فى يوم ما كتبت هذه القصيدة التى أعبر فيها عن حبى لهذا الوطن الحبيب مصرواليوم أعيد كتابتها فى ثوبها الجديد وقد غمرنى هذا الحب لها أكثر وأكثر حين أثبتت لى أن العدل والإنصاف شعار هذا الوطن العريق نحو أبنائه .. تحية حب لبلدى الغالى يصرخ بها قلبى ووجدانى قبل لسانى لأقول .. مصرية انا مصرية .
ومصريتى غالية عليا ……. وأغلى من ضى عنيا
يا زينه يا بلدى يا حبيبة ….انتى الآمان والدفى والطيبةوفى قلبك انتى الحنية
…… مصرية انا مصرية
انا اللى كبرت على أرضك .. تحت شجرك وقمرك وضلك
وانا اللى سهرت فى ضيا قمرك .. أرسم أحلامى الوردية
مصرية انا مصرية
واللى روانى نيلك ……… وميته أحلى من السكر
على ضفافة واقف ………… جدع حليوة أسمر بيقول غناوى الحب
……. لصبية بتوب أخضر
عيونها بلون الليل …….. ضحكتها مسك وعنبر
سحر الجمال ساكن …….. خدودها الوردية
مصرية انا مصرية
وعلى بساطك أتجمعوا … خلان وفى وسطهم راوى
ماسك ربابة عاشقة النغم …. بتقول وتنشد حكاوىوأصيلك يا شمس
………. مايل فى حضن الغناوى
فارد شعاع من دهب ….. على أرضك الحرة الأبية
مصرية انا مصرية
ولادك يا بلدى دول ناسى …… وكل أصحابى
فى أفراحى بشوفهم ………. أهلى وأحبابىوفى شدتى بلاقيهم
……… ديمآ على بابى
يمسحوا دمع الحزن ….. بصفاء القلب والنية
مصرية انا مصرية
وولدك ده ولد فارس ……. من ولاد بلدى
هو أخويا وأبن عمى ……. وأبويا وولدى عيونه أمل نهار
…. وصوته نبض الحرية
على كتافه حملك يا بلد … واجب ومسؤولية بيحول الأمل عمل
…. بالفعل مش بالكلام
يتمنى يطلع نهارك … يا بلد فى يوم من الأيام
ويكون غيامك ده ….. صحابة صيف معدية
مصرية انا مصرية
مشيتك يا بلدى ……… حارة ودرب وشارع
دخلت المعابد ………… والكنايس والجوامع
لقيت حس الإيمان واحد .. والكل خشع لحب الكلمة الألهية
مصرية انا مصرية
أوصف أيه وجمالك ….. يا حلوتى قصة وحكاية
وأسمك على لسانى …… موالى وغنايا عاشقة جمال ليلك
…. ويا رتنى كنت نجماية
سهرانة ويا القمر … أونس عيون الصبايا
وأستنى بشوق شمسك …. بأوارها الفضية
مصرية انا مصرية
بيخيرونى ليه بين دينى …. وأرض بلادى
دى أرض أمى وأبويا … ومن قبلهم أجدادى ومن بعدى حضن
……… لولادى وأحفادى
جيل من جيل ……. بحبك يا مصر بينادى
أنتى كرامتى وعزتى …. وكل شىء ليا
مصرية انا مصرية
… ومصريتى غالية عليا
موضوع: مصرية أنا مصرية 
السبت فبراير 09, 2008 3:43 pm
